MITTAYIPOTHI (മിഠായിപ്പൊതി)

സുമംഗല(1934-2021)
യഥാർത്ഥനാമം ശ്രീമതി ലീലാ നമ്പൂതിരിപ്പാട്. 1934 മെയ് 16-ന് പാലക്കാട് ജില്ലയിൽ വെള്ളിനേഴി ഒളപ്പമണ്ണ മനയ്ക്കൽ ജനിച്ചു. പിതാവ് പണ്ഡിതനും കവിയുമായിരുന്ന ഒ.എം.സി. നാരായണൻ നമ്പൂതിരിപ്പാട്. ചെറുകഥകൾക്കും നോവലുകൾക്കും പുറമേ കുട്ടികൾക്കുവേണ്ടി അമ്പതോളം കഥകളും ലഘുനോവലുകളും രചിച്ചു. സ്മിത്‌സോണിയൻ ഇൻസ്റ്റിറ്റ്യൂട്ടിനുവേണ്ടി ആശ്ചര്യചൂഡാമണി, കൂടിയാട്ടത്തിന്റെ ക്രമദീപികയും ആട്ടപ്രകാരവും എന്നിവ ഇംഗ്ലിഷിലേക്കു വിവർത്തനം ചെയ്തിട്ടുണ്ട്. നെയ്പായസത്തിന് കേരള ഗവൺമെന്റിന്റെ സാമൂഹികക്ഷേമവകുപ്പ് അവാർഡും മിഠായിപ്പൊതിക്ക് 1979-ലെ ബാലസാഹിത്യത്തിനുള്ള കേരളസാഹിത്യ അക്കാദമിയുടെ ശ്രീപത്മനാഭസ്വാമി അവാർഡും ലഭിച്ചിട്ടുണ്ട്. വളരെക്കാലം കേരള കലാമണ്ഡലത്തിൽ പബ്ലിസിറ്റി വിഭാഗത്തിൽ പ്രവർത്തിച്ചിരുന്നു.  2021 ഏപ്രിൽ 27-ന് അന്തരിച്ചു.